Reit/Pflegebeteiligungen

100.-

02.05.2026

4435, Niederdorf

Mini beide Jungpferdli sueche öbber wo mit ihne d Welt entdeckt

Dr Fuchs (Quarter/Welsh cob) isch 4 Johr alt und heisst Pepper. Bi ihm gohts jetzt langsam ans rite. Er isch sehr Menschebezoge und brav.
Do er nid dr grösst isch (1.35 aber no am wachse ) wär e lichti Erwachseni oder au e ältere Teenager ideal für ihn.
Wenn du sicher im Umgang mit junge Ross bisch, klar im Umgang und gern uf sim Usbildigsweg wetsch drbi si, mit mache und au scho vorem rite e Bindig ufbaue mit Bodenarbeit, Spaziergäng und de erste Schritt im Sattel, denn meld dich bi mir.

Dr Paint heisst Bourbon und isch 3 Johr alt. Er kennt spaziere, Bodenarbeit und Longiere. Dr Sattel isch au scho e paar mol druf gsi und er macht das alles sehr brav mit.
Nächste Summer wird er, wenn er den Körperlich sowit isch, in d Usbildig go. Er wird wahrschinlich so um die 1.60 gross werde.
Au er isch sehr sehr Menschebezoge und brav, brucht aber wie jedes Jungpferd e klari füehrig.
Denn macht er eifach alles mit eim

Natürlich wird ich dich unterstütze, mit wärde zäme Schritt für Schritt aluege was de scho chasch mache und was mir ihm als nächste Schritt wän bi bringe. So das mir am gliche Strick ziehn und es tolls Rössli bechöme.

Bi in dr Usbildig zum Trainer C und cha dich guet Supporte falls du das möchtsch oder bruchsch.
Muesch also nid scho alles wüsse.. Nur dr Wille ha z lerne